သော်ဇင်

နိဒါန်းပျိုးခြင်း
ဒီနေ့ည ကျွန်တော်ဘုရားခန်းသွားပြီး စုပေါင်း ဘုရားဝတ်ပြုကြတယ်ဗျာ...။ အားလုံးက သပ်သပ်ရပ်ရပ်နဲ့ အဖြူရောင်အင်္ကျီနဲ့ လုံချည်ပုဆိုး ကိုယ်စီနဲ့ ည ၁၁နာရီ ဘုရားခန်းမှာ စည်ကားလို့ပါပဲ။ ဘုရားခန်းဆိုတာ အခုခေတ်လူငယ်တွေ အနေနဲ့ မသွားရနယ်မြေလိုလို ဖြစ်နေကြတယ်လေ။ ကျွန်တော်လဲ ဘုရားခန်းကို ကျောင်းပိတ်ရက်များမှ ရောက်ဖြစ်တာပဲ။ ဘုရားဝတ်ပြုချိန်ရောက်တာနဲ့ အသီးသီး သင့်တော်တဲ့ နေရာကိုစီရောက်ချိန်မှာ ဘုရားဝတ်ပြုဖို့ ဦးစွာ မြတ်စွာဘုရားနဲ့ ခင်ပွန်းကြီးဆယ်ပါးကို ၀န်ချကန်တော့ လိုက်ကြပြီး၊ ငါးပါးသီလ အသီးသီးယူကြတယ်။ ဓမ္မစက္ကပ၀တ္တဏသုတ်ရွက်, မေတ္တာတွေပို့, ပြုသမျှကုသိုလ် ကောင်းမှုတွေ အမျှဝေပြီးတာနဲ့ တရားတစ်ပုဒ်ဖွင့်ပြီး ငြိမ်သက်စွာ နာယူကြပါတယ်။ တရားခေါင်းစဉ်နဲ့ ဆရာတော်အမည်နာမကို တခြားအတွေးရောက်လို့ မမှတ်လိုက်ရဘူးဖြစ်သွားတယ်။

လိမ်ရဲ့ လိမ်ကြည့်စမ်း
ရွာတစ်ရွာမှာ အင်မတန် လိမ်တတ်တဲ့ ပုဂ္ဂိုလ်တစ်ယောက် ရှိပါသတဲ့။ သူလိမ်တာ လူတိုင်းလိုလို ခံနေရရှာတာပေါ့။ တနေ့ ရွာဦးကျောင်းရောက်လာပါသတဲ့။ ရွာဦးဆရာတော်က ပြောလိုက်တယ်။
“ဟေ့ မင်းလူတွေကို လိမ်လည်နေတယ်တဲ့၊ ငါ့ကိုလာလိမ်စမ်းပါ၊ မင်းလိမ်ရဲ့ လိမ်ကြည့်စမ်းပါ” တဲ့။
အဲဒီလူလိမ်လဲ ဆရာတော်ကို ကန်တော့ပြီးတော့ ပြောပါတယ်။
“အရှင်ဘုရား လိမ်တာမလိမ်တာ ပြောမနေပါနဲ့၊ မနက်ဖြန် ကိုဖိုးစံတို့အိမ် ဆွမ်းကပ်ဖို့ လာပင့်တာပါဘုရား”တဲ့။
နောက်နေ့တော့ ဆရာတော်က သင်္ကန်းတွေ ရုံပြီးတော့ ကိုဖိုးစံအိမ်ကို ကြွတော်မူတာပေါ့။ ကိုဖိုးစံအိမ်မှာတော့ ဘာဆွမ်းမှ ပြင်ဆင်မထားဘူးတဲ့လေ။

လူလိမ်ဆိုတာ
ရွာတစ်ရွာမှာ မုဆိုးတစ်ယောက်ဟာ သမင် နှစ်ကောင်နဲ့ ဖြတ်သွားတာမြင်တော့ လူလိမ်က နောက်ကလိုက်ပြီး အကျိုးအကြောင်းမေးကြည့်တယ်။ ဒီသမင်နှစ်ကောင်ကို ရောင်းမလိုဆိုတာ သိတော့ အကြီးကောင်ကိုတော့ ၂ကျပ်တဲ့၊ အငယ်ကောင်ကို ၁ကျပ်ပေါ့လေ။ လူလိမ်က ၁ကျပ်နဲ့ အငယ်ကောင်ယူမယ်ဆိုပြီး ယူသွားတယ်။ ခပ်လှမ်းလှမ်းရောက်တော့ မုဆိုးဆီပြန်လာပြီး အကြီးကောင် ဘယ်လောက်လဲ မေးလိုက်တယ်။
“အကြီးကောင်က ၂ကျပ်နဲ့ ရောင်းတာပါ” တဲ့မုဆိုးက ပြန်ဖြေတယ်။
“ဒါဆိုကျွန်တော့်ကို အကြီးကောင်ပေးပါဗျာ၊ အငယ်ကောင်ပြန်ယူလိုက်ပေါ့ဗျာ၊ ဒါဆို ကျွန်တော် အကြီးကောင်ယူလို့ရပြီးပေါ့” လို့ လူလိမ်ကဆိုတယ်။
“ဒါဆို ၁ကျပ်ထပ်ပေးရမယ်ဗျ”
“မလိုဘူးလေ၊ အခုနက ကျွန်တော် ၁ကျပ်ပေးထားတယ်လေ၊ အခုအငယ်ကောင်က ၁ကျပ်တန်တော့ ၂ကျပ်ပေါ့ဗျာ၊ အဲဒီတော့ ဒီအကောင်ကြီးက ၂ကျပ်ဆိုတော့ ကျုပ်ထပ်ပေးစရာ ဘယ်လိုမလဲဗျာ” လို့ လူလိမ်က ပြောပြီး သမင်အကြီးကို ယူသွားပါတယ်။
မုဆိုးလဲ စဉ်းစားတွေဝေနေပြီး ဟုတ်သလိုလိုနဲ့ ငေးငိုင်ကျန်ခဲ့ရပါတော့တယ်တဲ့။

လောကကြီးရဲ့ လှည့်စားချက်
ဒါကတော့ လူအချင်းချင်း လိမ်လည် လှည့်ဖြားမှုတစ်ခုပါ။ ဒီလှည့်စားမှုက ရိုးရှင်းပါတယ်။ လောကကြီးရဲ့ လှည့်စားမှုကို လူတိုင်းခံစားနေရတာကို လူတွေမသိချင်လောက်အောင် အလိမ်ခံနေရတာပါ။
ရှင်သီဝလိကိုယ်တော် အိမ်မှာ ပူဇော်ရင် လာဘ်ဝင်တယ်၊ လာဘ်လာဘကြီးတယ် ဆိုပြီး လူတွေ အိမ်မှာ ရှင်သီဝလိကိုယ်တော်ကို အိမ်မှာ ပူဇော်ကြတယ်။ လာဘ်လိုချင်လို့ ကိုးကွယ်တာပေါ့ဗျာ။ ကောင်းမှုလုပ်လို့ ကောင်းကျိုးရမှာကို ရှင်သီဝလိကိုးကွယ်လို့ ရတယ်လို့ အလိမ်ခံနေရတာပါပဲ။ လာဘ်လိုတဲ့ သဘောနဲ့ ကိုးကွယ်ခြင်းထက် ရှင်သီဝလိရဲ့ ဂုဏ်တော်ကို ကြည့်ညိုလို့ ကိုးကွယ်တာဆိုရင်တော့ အဆင်ပြေနိုင်ပါသေးတယ်။

(၇)နှစ်တိတိ ကိုယ်ဝန်ဆောင်ခဲ့ရတဲ့ ရှင်သီဝလိအလောင်းတော်လေးရဲ့ မယ်တော် သုဗ္ဗ၀ါသအမျိုးသမီးကို သိကြမယ်ထင်ပါတယ်။ ရှင်သီဝလိအလောင်းတော်ကို မွေးဖွားဖို့ ဗိုက်နာတဲ့အချိန်က ၇ ရက်ကြာပါသတဲ့။ အဲဒီ ၇ရက်လုံးဟာလဲ ဇောချွေးတွေပျံပြီး သေလုမျောပါးခံစားရလောက်အောင် နာကျင်ခံစားရပါတယ်တဲ့လေ။ ဖွားမြင်ပြီးလို့ နောက်တစ်နေ့ ရှင်သီဝလိအလောင်းလေးနဲ့ အရှင်မဟာမောဂ္ဂလန် ခင်မင်ရင်းနှီးစွာ ပြောဆိုနေတာမြင်တော့ မယ်တော်ကြီး ပြုံးလိုနေပါသတဲ့လေ။ အရှင်မဟာမောဂ္ဂလန်က မယ်တော်ကြီးကို မေးတော်မူတယ်
“ဒီလိုသားမျိုး နောက်ထပ် လိုချင်ပါသေးသလား”
မယ်တော်ကြီးက “ရမယ်ဆိုရင် ၇ယောက်လောက်တောင် လိုချင်ပါသေးသတဲ့” ။
၇ နှစ် တိတိ ကိုယ်ဝန်ဆောင်၊ ၇ ရက်တိတိ ဗိုက်နာခဲ့ရတာတောင် ဒီလိုမျိုး ၇ကြိမ်ထပ်ခံချင်ပါသေးသတဲ့။ စဉ်းစားကြည့်ပါအုံး။ လောကကြီးရဲ့ လှည့်စား လိမ်ညာမှုကြီးက ဘယ်လောက်ကြောက်ဖို့ကောင်းလဲ။ အခုမိဘတွေ ၉လလွယ် ၁၀လ ဖွားရတာတောင် ဒုက္ခတွေ တယ်များတာပဲ။ အဲဒီလိုမျိုး ၇ ဆသာတဲ့ ဒုက္ခနဲ့ ၇ကြိမ်တောင် ထပ်ခံချင်ပါသေးတယ်ဆိုတဲ့။ လိမ်လည်မှုကြီးက တကယ်ကြောက်စရာ ကောင်းလွန်းလှပါတယ်ဗျာ။ လူတွေက ဆင်းရဲကို သုခ ထင်နေကြတာလေ။ အထင်တွေ အမြင်တွေ မှားနေလို့ကတော့ လိမ်လည်လှည့်ဖြားခံနေရအုံးမှာပဲဗျ။

ချစ်ရင် အပြစ်ရှိတယ်
သုဗ္ဗ၀ါသက သားတော် ရှင်သီဝလိလောင်းတော်လေးကို ချစ်ခင်မြတ်နိုးလွန်းတော့ နောက်ထပ်ဒီဒုက္ခဆင်းရဲဆိုတာ ခံနိုင်ပါတယ်ဆိုတာဖြစ်လာရောလေ။ ချစ်လွန်းတော့ အပြစ်ရှိသွားတာပေါ့။ အပြစ်ကတော့ မွေးဖွားရတဲ့ ဒုက္ခကို ဆိုလိုချင်တာပါ။ ဒါကြောင့် လောကမှာ ချစ်ခင်ရတဲ့သူတစ်ယောက်ရှိရင် သူ့အတွက် ဒုက္ခတစ်ခုရှိတယ်လို့ အောင့်မေ့ထားပါ။

အမျှဝေခြင်း
ပြောရရင် ကျွန်တော် တစ်နေကုန် စိတ်ရှုပ်ထွေးနေတာပါ။ ကိုကြီးမြစ်ကျိုးအင်း ပို့စ်ဖတ်လိုက်ရတော့ လူကပိုပြီး စိတ်ဓါတ်ကျသွားတယ်။ သူ့ပိုစ်ဖက်လိုက်မှာ ငါ့မှာ ဘာကိုသွားလွမ်းရမလဲ၊ ၀မ်းနည်းသလိုလိုကြီးခံစားနေရတာပါ။ ဘုရားခန်းသွားပြီး အဲဒီတရားလေး နာလိုက်တော့ စိတ်က တော်တော်လေးကြည်လင်သွားတယ်။ စိတ်ဓါတ်တွေ တော်တော် တက်ကြွသွားတယ်။ အစ်ကိုတစ်ယောက်ဆီ အလည်တောင်သွားလိုက်သေးတယ်။ သူက ၀ပ်ဆိုက်လုပ်နည်းသင်ချင်ရင် လာခဲ့တဲ့။ စိတ်ဓါတ်တွေက ဘယ်လိုတတ်ကြွလာမှန်းမသိဘူး။ ပြန်ရောက်တော့ မအိပ်သေးပဲ နာခဲ့တဲ့ တရားလေးကို ချရေးလိုက်မိတာပဲ။ အိပ်ချင်စိတ်တွေကိုပါ ပျောက်ကင်းသွားစေပါတယ်။

အဓိကပြောချင်တာက ဘယ်လိုသော အဆင်မပြေမှုတွေ ကြုံတွေ့နေပါစေ... မြတ်စွာဘုရားရဲ့ တရားတွေကို စိတ်ပါဝင်စား နာကြားလိုက်မယ်ဆိုရင် ကမ်းခြေတစ်ခုမှာ သွားရောက် အနားယူသည်ထက် ပိုပြီး လန်းဆန်းတတ်ကြွစေတယ် ဆိုတာလေးပါပဲ။ ဒါက လက်ရှိ အကျိုးကျေးဇူးကိုပြောတာပါ။ တရားနာတဲ့အတွက် ဓမ္မသာသနာ ဆိုတဲ့ တရားနာယူခြင်း ကုသိုလ်လဲ ရရှိပါတယ်။ ကျွန်တော်ရဲ့ ဗုဒ္ဓဘာသာ ဘလော်ကာ ကိုကိုမမတို့အားလုံးကို တိုက်တွန်းနိုးဆော်လိုက်ရပါတယ်ဗျာ။
သဗ္ဗေသတ္တာ ကမ္မသကာ