သော်ဇင်

ပိတောက်တွေလဲပွင့်ခဲ့ပြန်ပြီး
အပူသရုပ်ဖော်တဲ့နွေဥသြငှက်လဲတွေ့နေရပြန်ပြီး..။
အလုပ်သိပ်ရှုပ်တဲ့မိုးသရုပ်က
တိမ်မိလ္လာဆင်တွေလဲ ဝေ့၀ဲနေကြပြန်ပြီးလေ..။
ဆောင်းဆိုတာမိုးပြီးရင်သူ့အလှည့်ဆိုတော့
သူလဲပဲလာပြန်ပြီးပေါ့ကွာ..။
နှစ်လတွေသာပြောင်းလာခဲပါတယ်
မင်းအတွက်အရင်နေရာဟောင်းကတော့
အခုထိလစ်လပ်ဟာနေဆဲပါ..။
ဘယ်သူကိုမှအစားမထိုးခဲ့သလို
ဘယ်သူကိုမှလဲ အ၀င်မခံခဲ့ဘူးချစ်သူ..။
တကယ့်အချစ်နဲ့ ငါလေ.....
ပေးဆပ်ရင်စောင့်မျှော်နေဆဲပါ..။
အဆိုးနဲ့အကောင်း
အလှည့်အပြောင်းကလဲမြန်လိုက်တာနော်..
မင်းအချစ်ကိုရခဲ့တော့
ငါဟာအတိုင်းမသိဝမ်းမြောက်ခဲ့ရတယ်
မင်းနဲ့ဝေးကြတဲ့အခုချိန်ကျတော့
ငါဟာအတိုင်းမသိခံစားနေရတယ်...။
ကွေ့ကွင်းခြင်းဒုက္ခနဲ့မျှော်နေရတဲ့ဆင်းရဲဟာ
အခုချိန်မှာ အနီးဆုံးသူတွေဖြစ်ကုန်ပြီး..။
မင်းအတွက်နေရာက
သူတို့နဲ့ပဲအစားထိုးခဲ့တော့မှာလားကွာ..။
သတင်းသဲ့သဲ့နဲ့
မင်းအကြောင်းကိုစုံစမ်းကြည့်တော့
တကယ်ပဲယုံတမ်းစကားတွေလား
ရင်ခွင်အသစ်နဲ့
မင်းကတော့ တကယ်အချစ်စစ်တွေနဲ့လား
အတွေးပေါင်းများစွာ,
လား ပေါင်းများစွာနဲငါကျန်ရစ်နေခဲ့ပြီး..။
အတူဆုံကြနေရာလေးမှာ
ငါလေမင်းကို
လာနေကျလမ်းကိုသေချာကြည့်
မလာမှန်းသိနေပေမယ့်
မျှော်နေတတ်တဲ့ ငါ့နှလုံးသားက
နောင်တမရတတ်သေးဘူး....။
အနှောင်များနဲ့
ရောင်စုံများကြားက မိန်းကလေးရေ
မျှော်ငေးခြင်းအကြည့်တွေနဲ့
ဖြူစင်စွာ ငါဟာ တောင်းတနေမိခဲ့တာပါ...။
ငါ့ရဲ့မျှော်လင်းခြင်းတွေက
ဝေဒနာအသွင်းပြောင်း
ဒီရင်ခွင်ဟောင်းမှာတော့
ထာဝစဉ်သောင်းကျန်းနေကြတယ်..
တကယ်ပါမင်းကြောင့် ငါလွမ်းနေတာ....။ ။

စာအုပ်ကို ၀ါသနာပါသည်ဖြစ်စေ၊ ၀ါသနာမပါသည်ဖြစ်စေ တာဝန်တစ်ခုကဲ့သို့ ဖတ်ပါ။ စာအုပ်တွေထဲတွင် သိစရာ၊ မှတ်စရာ၊ စူးစမ်းစရာ၊ နည်းပညာတွေ၊ အတုယူစရာတွေ များစွားပါ၏၊ စာအုပ်တွေထဲတွင် ဘ၀တွေရှိသည်၊ လောကတွေရှိသည်။ ကြည်နူးစရာတွေရှိသည်။ ပူဆွေးဝမ်းနည်းစရာတွေရှိသည်။ ရင်သပ်ရှုမောစရာတွေရှိသလို အားတတ်ဖွယ်ရာတွေလည်းရှိသည်။ စာအုပ်ဖတ်ခြင်းသည် ကျောက်တူးသကဲ့သို့ ဆင်တူသည်။ ကျောက်တူးရာတွင် ကျောက်ထွက်နိုင်သောနေရာမှ မြေကြီးကိုတူး၍ ရေနှင့်ဖျော်ပြီး ဆန်ခါပေါ်တင် လောင်းချရသည်။ မြေကြီးတွေ အရည်ပျော်ပြီး ဆန်ချပေါက်ထဲမှ ကျသွားသောအခါ ဆန်ခါပေါ်တွင် အရည်မပျော်သောကျောက်ခဲတွေကျန်ခဲ့၏ ။ ထိုကျောက်ခဲစတွေထဲတွင် အဖိုးတန်သော ပတ္တမြားတွေရတတ်၏ ။ တန်ဖိုးနည်းသော ကျောက်ဖြုန်းလေးတွေလည်းရသည်။ ရတတ်သမျှ ယူကြရ၏ ။
စာအုပ်ဖတ်ရာတွင် ပထမဆုံး စာအုပ်မျိုးစုံဖတ်ရမည်။ စာဖတ်များလာသောအခါ မိမိ၏ အသိဉာဏ်က သံဆန်ခါသဖွယ် ဆန်ခါတင်စစ်ပေးသည်။ အနှစ်မရှိသောစာ၊ မိမိအတွက် အသုံးမတည့်သောစာများကို ဦးနှောက်တွင် စွဲကျန်မနေစေရန် အသိဉာဏ်က တာဝန်ယူစီစဉ်သည်။ မိမိဘ၀အတွက် အသုံးဝင်တန်ဖိုးရှိလှသော စာများကို ဦးနှောက်တွင်သာမက နှလုံးသား ထိရောက်အောင်အသိဉာဏ်က ပို့ဆောင်ပေးသည်။ စာကောင်းပေကောင်းတွေထဲမှ မိမိ၏ အသိဉာဏ်ကို လင်းလက်တောက်ပသွားစေသော စကားလုံးများ၊ စာကြောင့်များ၊ စာပိုဒ်များသည် အဖိုးတန်ပတ္တမြားများ တူးဖော်ရရှိသကဲ့သို့ ဖြစ်၏ ။ အဖိုးတန်ပတ္တမြားတစ်လုံး ရရှိရုံနှင့် ဘ၀တိုးတတ်ပြောင်းလဲသွားစေနိုင်သကဲ့သို့ တစ်ခါတစ်ရံ စာအုပ်ထဲတွင်ပါသည့် စာတစ်ကြောင်း၊ စာတစ်ပိုဒ်ကလည်း မိမ်ိဘ၀ကို တိုးတတ်ပြောင်းလဲသွားစေနိုင်ပါ၏ ။ ထိုကြောင့်… စာဖတ်ပါ ။ စာဖတ်ခြင်းဖြင့် အသိဉာဏ်ရင့်သန်ပြီး အမှားအမှန်ခွဲတတ်ပါစေ ။မှန်ကန်သောအခြေအနေ၊ အချိန်အခါ၊ အခွင့်အခါ ကောင်းများကို ရွေးတတ်ကြပါစေ။ အတတ်ပညာကောင်းများကို စာအုပ်များထဲမှစူးစမ်းရှာဖွေရယူတတ်ကြပါစေ။ မိမိ၏ အဖိုးတန်သောအချိန်များကိုစာအုပ်များနှင့်မွေ့လျော် ပျော်တတ်ပါစေ ။
စာအုပ်များမှရရှိသော အသိပညာ၊ အတတ်ပညာ၊ ဆင်ခြင်ဉာဏ်တို့ဖြင့် ကိုယ့်ဘ၀ကိုယ်တိုးတတ်ကောင်းမွန်အောင် ဖန်တီးတည်ဆောက်ကြပါ။ စာအုပ်မျာကို အမဲလိုက်မုဆိုး၊ သားကောင်ရှာဖွေသကဲ့သို့ စာအုပ်ကောင်းများကို သဲသဲမဲမဲလိုက်လံ ရှဖွေပြီးဖတ်ပါ။ ၀ယ်ဖတ်ပါ၊ ငှားဖတ်ပါ၊ ရှာဖတ်ပါ၊ ကိုယ်နှစ်သက်သော စာအုပ်များကို ၀ယ်ဖတ်ရန် ဘယ်သောအခါမျှ နှမြောတွန့်တို မရှိပါနှင့်။ ဘ၀အတွက် ရင်နှီးမြုပ်နှံခြင်းဟု သဘောပေါက်ပါ။ ငှားဖတ်ပါ။ မိမိ မိတ်ဆွေသူငယ်ချင်း၊ ဆရာသမားထံတွင် အတွန့်အဆုတ်မရှိ ပြောဆိုငှားရမ်းတတ်ပါစေ။ စည်းကမ်းရှိရှိ ငှားဖတ်ပါ။ တချို့စာကောင်းပေမွန်များသည် စာကြည့်တိုက်များ၌သာ ရှိတတ်၏ ။ စာကြည့်တိုက်သို့ သွားပါ။ ရှာဖတ်ပါ။ စာကြည့်တိုက်နှင့် အဆွေခင်ပွန်းဖွဲ့တတ်ပါစေ။ စာအုပ်များကို အသေအချာ ၀ယ်၊ ငှား၊ ရှာဖွေဖတ်ရှုခြင်းသည် တန်ဖိုးရှိသောဘ၀တစ်ခုကို တည်ဆောက်နေခြင်း မည်၏ ။ စာအုပ်များဖြင့် ဘ၀ကို တည်ဆောက်နိုင်တတ်ကြပါစေ။

မျှော်လင့်လိုက်ရတာပန်းကလေးရယ်
ပြန်ဆုံကြမယ်လို့...........
ထိန်းသိမ်းခဲ့ရတဲ့သိက္ခာတွေ
မင်းနဲ့ကျမှသိပ်ငယ်ခဲ့ရတယ်လို့...........
မင်းပြောသမျှအတည်ယူ
အရာရာကိုအယုံလွယ်ခဲ့တာက
ငါ့အတွက်တော့
ပြင်လို့မရတော့တဲ့အမှား.............
ပြန်နုတ်လို့မရတော့တဲ့ဆူးချက်တွေနဲ့
ရင်နင့်အောင်ခံစားခဲ့ရတယ်
ငိုကြွေးလဲမပြေနိုင်တာမို့
အကိုတွေးရင်နဲ့
ရင်နာမိတယ် ကလေးရယ်
ပတ်ဝန်းကျင့်စောင်းမြောင်းစကား
တကယ်ပဲမှန်ခဲ့သလား
မလိုသူတွေအမုန်းစကား
စွန့်စားပြီးမယုံလိုက်ပါနဲတဲ့.........
အကိုယုံကြည်ခဲ့တာကတော့
ယုံကြည်လို့ချစ်ခဲ့တာမဟုတ်တော့ဘူး
ချစ်လွန်းလို့ယုံကြည်မိသွားတာ.........
ပဲ့တင်သံကင်းမဲ့နေတဲ့
လေဟာနယ်မှာ
ငါဟာမင်းနာမည်အော်ခေါ်မိသလိုပဲ
ပြန်ထူးသံမကြားနိုင်ပေမယ်
ငါအော်ခေါ်မိတာက
ငါယုံကြည်ခဲ့တာက
ငါမျှော်လင့်ခဲ့တာက
နောက်ဆုံးတော့လဲ..........။ ။

စိတ်ပျော်ရွှင်ချမ်းမြေ့မှုကို လူတိုင်းလိုချင်ကြပါသည်။ သို့သော်… လူတိုင်းစိတ်ပျော်ရွှင်ချမ်းမြေ့မှုမရကြပါ။ စိတ်ပျော်ရွှင်ချမ်းမြေ့မှု မရကြခြင်းမှာလိုချင်သော်လည်း မကြိုးစား၍မရခြင်း၊ ပျော်ရွှင်ချမ်းမြေ့အောင် မနေတတ်ခြင်းတို့ကြောင့် ဖြစ်မည်ထင်သည်။ ပုထုဇဉ်လူသားတို့အတွက် စိတ်ပျော်ရွှင်ချမ်းမြေ့မှုသည် ထာဝရမဖြစ်နိုင်။ အခိုက်အတန့်ယာယီအခြေအနေမျိုးသာ ဖြစ်နေမည်ထင်၏။ အကြောင်းမူကား… လူသားတို့သည် စိတ်ပျော်ရွှင်မှုကို ဖျက်ဆီးပစ်နိုင်သော လောဘ၊ဒေါသ၊ မာန်မာနနှင့် မနာလိုဝန်တိုမှုတို့ကို နှလုံးအိမ်တွင်အချိန်ပြည့်နေထိုင်ခွင့် ပေးထားသောကြောင့်တည်း။ လောဘကြောင့် နှလုံးပှုပန်ပြီး စိုးရိမ်သောက ရောက်ရ၏။ ဒေါသကြောင့် စိတ်တို့ရန်လိုပြီး သွေးဆူ သွေးပှုတတ်၏။ မာန်မာနကြောင့် မခံချင်စိတ်ထိပ်တတ်ပြီး သွေးပျက်နိုင်၏။ မနာလိုဝန်တိုမှုကြောင့် အလိုမကျဘဲ စိတ်ဆင်းရဲတတ်၏။ စင်စစ်သော်… ကိုယ်လုပ်ချင်တာ လုပ်ရလျှင၊် ကိုယ်ဖြစ်ချင်တာဖြစ်ရလျှင်၊ ကိုယ်လိုချင်တာရလျှင် လူ့စိတ်သည် ပျော်၏။
သို့သော်… ထိုအပျော်သည် တဒင်္ဂသာတည်း။ အချိန်ပိုင်းမျှသာတည်း။ ထာဝရမဟုတ်။ အချိန်ကြာကြာပျော်ရွှင်ချင်လျှင် အကောင်းမြင်စိတ်ထားပြီး ပျော်အောင်နေပါ။ လောဘ၊ ဒေါသ၊ မာန်မာန နှင့် မနာလိုဝန်တိုစိတ် ကို လျော့နည်းပပျောက်အောင် ကြိုးစားပါ။ ကိုယ့်ဘ၀ကို ကျေနပ်ပြီးအနေတတ်ပါစေ။ နေ့စဉ်ရက်ဆက် အမြဲပျော်ရွှင်လိုလျှင် သူတစ်ပါးကို ပျော်ရွင်စေလိုသောစိတ်ဖြင့်ကူညီပါ။ ကိုယ့်ကိုယ်ကိုယ် စိတ်ဆင်းရဲအောင်မတွေးပါနဲ့ ၊ မလုပ်ပါနဲ့။ စိတ်ကြည်လင်သန့်စင်နေအောင် လေ့ကျင့်ပါ။ တရားဓမ္မနှင့် မွေ့လျော်ပျော်ပိုက်တတ်ပါစေ။ မကောင်းတာမလုပ်ဘဲကောင်းတာပဲလုပ်ပြီး အမြဲတမ်း စိတ်ကိုဖြူစင်အောင်ထားနိုင်လျှင်တော့ ထာဝရ စိတ်ပျော်ရွှင်ချမ်းမြေ့ပါလိမ့်မည်။ လူသားအားလုံး စိတ်ပျော်ရွှင်ချမ်းမြေ့ကြပါစေ။